Tirane-Ermels Xhaxhaj ka depozituar një kallëzim penal në Prokurorinë e Përgjithshme ndaj kryebashkiakes Majlinda Bufi pwr “Shkelje e barazisë së pjesëmarrësve në tendera apo ankande publike” dhe “Shpërdorim i detyrës”.
Ky kallëzim penal i është dërguar për kompetencë SPAK-ut. Xhaxhaj thotë se në datat 28 janar 2021, 11 shkurt 2021 dhe 11 shkurt 2021, Bashkia Rroskovec, ka kryer procedura prokurimi në shkelje flagrante me ligjislacionin në fuqi.
Më tej thuhet se autoriteti i Bashkisë Rroskovec nuk duhet të kishte lejuar shkeljet ligjore. Sipas tij, ndodhur para këtyre kushteve, ka bërë kallëzimin penal. Në të njëjtën kohë, Xhaxhaj ka shprehur angazhimin për zbardhjen e së vërtetës dhe vendosjen përpara përgjegjësisë së të akuzuarës për veprat penale të kallëzuara si “Shkeljes së barazisë së pjesëmarrrësve në tendera apo ankande publike” dhe “Shpërdorim i detyrës” (katër herë), përvec ekzistencës së vlerësimit të konsumimit edhe të veprave të tjera si “Dëmtim dhe cënim të interesave publike” ”Mungesë e theksuar transparence ndaj qytetarëve” apo figura të tjera penale që mund të vlerësohen nga organet e akuzës.
PADIA:
KALLËZUES: Partia Demokratike Dega Rroskovec, me drejtues të saj Z. Emels Xhaxhaj
KUNDËR: Bashkia Rroskovec, me drejtuese Zj.Majlinda Bufi, e bija e Daut dhe Nadire lindur në Roskovec më 20/05/1972 dhe banuese në Roskovec, me shtetësi Shqipëtare.
OBJEKTI: Kallëzimi i veprimeve të paligjshme që përmbajnë elementë të figurës së veprës penale “Shkeljes së barazisë së pjesëmarrrësve në tendera apo ankande publike” dhe “Shpërdorim i detyrës” (katër herë).
BAZA LIGJORE: Kushtetuta e Republikës së Shqipërisë;
Në mbështetje të Kushtetutës së Republikës së Shqipërisë; Neni 283 i Kodit të Procedurës Penale; Nenet 258 dhe 248 të Kodit Penal; Ligji nr. 9643/2006 “Për Prokurimin Publik” (i ndryshuar); VKM nr.1, datë 10.01.2007 “Për miratimin e rregullave të prokurimit Publik”(i ndryshuar) si dhe Ligji nr.139/2015 “Për vetëqeverisjen Vendore”, autoriteti i Bashkisë Rroskovec nuk duhet të kishte lejuar shkeljet ligjore të sipërpërmendura, por kishte përgjegjësi ligjore dhe vijuar në zbatim dhe në respektim të akteve ligjore e nënligjore ne fuqi.
Duke u gjendur përpara këtyre kushteve, me detyrimin që më njeh ligji si qytetar i këtij qyteti dhe postit publik që përfaqësoj, ushtroj këtë kallëzim penal.
Jam i hapur për bashkëpunim, në zbardhjen e këtij fakti penal, shpreh angazhimin tim maksimal për të vërtetën dhe vendosjen përpara përgjegjësisë së të akuzuarës për veprat penale të kallëzuara si “Shkeljes së barazisë së pjesëmarrrësve në tendera apo ankande publike” dhe “Shpërdorim i detyrës” (katër herë), përvec ekzistencës së vlerësimit të konsumimit edhe të veprave të tjera si “Dëmtim dhe cënim të interesave publike” ,”Mungese e theksuar transparence ndaj qytetarëve” apo figura të tjera penale që mund të vlerësohen nga organet e akuzës.
Në pritje të veprimeve procedurale sa më sipër, shprehim konsideratën tonë Institucionit tuaj!
