TIRANË– Nënkryetarja e Kuvendit Ermonela Felaj ka reaguar ashpër pasditën e sotme në lidhje me kërkesën e depozituar nga deputetët demokratë të cilët kërkojnë ngritjen e Komisiot Hetimor për të hetuar lidhjet e kryeministrit Edi Rama me ish-agjentin e arrestuar të FBI-së Charles McGonigal. Në një postim në rrjetet socialet Felaj akuzon deputetë demokratë se kanë falsifikuar firmat e kolegëve të tyre Oerd Bylykbashi, Agron Shehaj dhe Belind Këlliçi. Felaj shkruan se këtë e vërteton fakti se gjatë kohës që është dorëzuar kërkesa me firmën e deputetëve në Kuvend Shehaj, Këlliçi dhe Bylykbashi kanë qenë jashtë vendit. Sipas saj falsifikimi i firmave duhet të marrë fund në Kuvendin e Shqipërisë.
POSTIMI I FELAJT:
A ka sjellje më degraduese për Parlamentin dhe për të ashtuquajturën opozitë , sesa të fallsifikojë nënshkrimet e deputetëve të vet në dokumenta të cilat i drejtohen Kuvendit???? Kaq hapur bëhet kjo , saqë edhe kur deputetët janë jashtë vendit, psh Belind Këlliçi e Oerd Bylykbashi , figurojnë sikur të kenë qenë këtu e të kenë firmosur. Lehtësisht i dukshëm e i verifikueshëm manipulimi në letra , per të plotësuar kriterin numerik që disa kërkesa të vihen në lëvizje nga Kuvendi! E përsëritur në fakt! Dhe këtë herë është koha që fallsifikatori ose fallsifikatorja të zbulohet! Ekspertimi grafik e konfirmon këtë! Dhe jo vetëm kaq , por dhe të sanksionohet si cdo qytetar tjetër në RSh për krimin e fallsifikimit të dokumentave të parashikuar nga neni 186 i Kodit Penal! Stop fallsifaktorëve dhe gënjeshtarëve që betohen për
shtet, për parlamentarizëm , për opozitë, por nuk bëjnë dot as më shumë dhe as më pak sesa cdo kundravajtës i rëndomtë i ligjit penal!
