TIRANË– Partia Demokratike ka paditur ditën e sotme në SPAK kryebashkiakun e Tiranës Erion Veliaj, për shkeljet e rënda ligjore në lidhje me tenderin fiktiv të Rr. ‘Xhon Belushi’ në Njësinë Administrative Nr. 4 në Tiranë. Padinë në SPAK e dorëzoi deputetja Alba Vokshi, e cila tha për mediat se se SPAK duhet që të hetojë Veliajn për shpërdorim detyre, korrupsion aktiv në zgjedhje, falsifikim dokumentash si dhe mashtrim. Ajo i bëri thirrje drejtësisë që të jetë në lartësoinë e detyrës pasi të gjithë jemi të barabartë para ligjit.
“Të gjithë duhet të jemi të barabartë para ligjit. Kjo është arsyeja që ne jemi sot këtu, duke i kërkuar SPAk-ut që të regjistroj këtë kallëzim penal dhe të hetojë kryetarin e Bashkisë së Tiranës Erion veliaj. Ne i kërkojmë SPAK-ut që të qëndrojë në lartësinë e detyrës”, tha Vokshi.
