Sekretari i Përgjithshëm i PD, Falmur Noka nga Parma e Italisë, është shprehur se Partia Demokratike do të shpëtojë Shqipërinë pas zgjedhjeve të 11 majit, njësoj siç bënë demokratët në 1990, me rrëzimin e komunizmit.
Noka: Dhe dy muaj e gjysmë na ndajnë për të shpëtuar Shqipërinë tonë të dashur nga një prej qeverive më korruptuara, dhe më të inkriminuar ne Evropë e në Botë. Këtë detyrim para kombit para shqiptareve, para të rinjve, para pensionistëve, familjarëve dhe atyre qindra shqiptarëve në diasporë, që kanë ikur nga vendi, e kemi ne si PD dhe si opozitës. Ky është një detyrim që e kemi së bashku me ju dhe këtë do e realizojmë së bashku sepse ndryshimi vjen kur jemi bashkë.
Vota juaj është jetike në këtë proces, është e vetmja a që në 11 do mundësojë ndryshimin e Shqipërisë. Nuk ka pasur kurrë Shqipëri koalicion më të madh se i yni për ta shpëtuar. Shqiptarët kudo janë bashkuar krah PD dhe Berishës, nga çdo cep i vendit, Evropës dhe Botës. Atje me shpresë dhe besim se ora e ndryshimit të shumëpritur po troket dhe do trokasë në 11 maj për të gjithë ne.
Ndryshimit do t’i prini ju më shumë se kudo tjetër me votën tuaj. Kemi eshë 10 ditë kohë që të regjistroheni, të kujtoni atë që ju detyroi të largoheni nga Shqipëria, ju ka dhunuar, varfëruar dhe shtypur familjet dhe shoqërinë në Shqipëri. Bashkimi juaja i ka futur të dridhurat Edi Ramës dhe narkoregjimit të tij. Nuk do ndalemi, do ftojmë çdo shqiptar kudo që është të bëhet pjesë e këtij ndryshimi. Të shpëtojmë Shqipërinë në si vitin 90.
E dimë si ndiheni kur shihni si rënkon ky vend, nga kursimet tuaja ndihmoni prindërit, kursim që i keni me mund, djersë dhe sakrificën. E dimë si ndiheni kur ju sakrifikoni dhe shihni një të çmendur që sillet vërdallë shesheve të Tiranës dhe që abuzon me djersën tuaj dhe shqiptarëve si askush tjetër. Një kryeministër i papërgjegjshëm dhe antishqiptar, që në 12 vet mbolli varfëri, krim dhe korrupsion… 11 maji është fundi i tij politik. Edi Rama do të mbrojë karrigen që po i dridhet. Më 11 maj do t’i fluturojë karrigia, bashkë me të dhe ai. Këtë do ta bëni ju me votën tuaj, diaspora, Shqipëria dhe çdo shqiptar i lirë.
