TIRANË– Pedagogët i janë rikthyer sërish këtë të mërkure protestave për të kërkuar nga qeveria plotësimin e kërkesave të tyre, ku pretendojnë se nuk është mbajtur fjala e dhënë, e nuk është respektuar asnjë nga pikat e këkesave që këta të fundit kanë bërë.
Një prej pedagogëve deklaroi se ka një numër të shtuar të pjesëmarrësve në protestë edhe nga universitetet e tjera, duke theksuar kështu sensibilizimin nga kolegët.
“Më vjen mirë që ka një prezencë të dominuar të universitetit të arteve. Kolegët tanë janë dita ditës më të sensibilizuar për platformën e re të arsimit që janë çështjet madhore që universitetet duhet të rishikojnë”, deklaroi ai.
Ndërsa një tjetër pedagog vuri theksin mbi pagat, ku sipas tij shtesa e rrogës është e pa konsiderueshme.
“Pa vlerësim financiar të mirë nuk ka as staf akademik të mirë. Qeveria dështoi. Shtesa e rrogës është e pa konsiderueshme. Ne i qëndrojmë kërkesën që pagat të mos jenë më pak se mesatarja rajonale ose të paktën sa niveli i pagave në Kosovë”, u shpreh ai
