Pedro Sanchez është rizgjedhur kryeministër i Spanjës.
Votimi erdhi dy ditë pas debatit për marrëveshjen e diskutueshme të amnistisë për separatistët e Katalonjës, për të cilën Sanchez ra dakord në këmbim të mbështetjen për t’u zgjedhur kryeministër.
Udhëheqësi i Partisë Socialiste të Punëtorëve u mbështet nga 179 deputetë nga 350 që janë në total. Vetëm partitë e djathta opozitare votuan kundër tij.
Ndërsa votimi përfundoi, jashtë parlamentit, protestuesit e zemëruar bërtisnin dhe përplaseshin me barrikadat e policisë.
Shumë qytetarë janë të zemëruar nga projektligji i amnistisë, që parashikon se çdo politikan dhe aktivist që do të dënohej për pjesëmarrje në një përpjekje për të ndarë Katalonjën nga Spanja do të falej.
