BRAZIL- Pele është në gjendje të rëndë. Ikona e futbollit, 82 vjeç, thuhet se nuk po i përgjigjet më kimioterapisë pasi lufton me kancerin e zorrëve. Fituesi i trefishtë i Kupës së Botës, i konsideruar gjerësisht si një nga futbollistët më të mëdhenj ndonjëherë, i është nënshtruar trajtimit me kimioterapi që nga shtatori 2021. Në fillim të këtij viti, u diagnostikua se qelizat e kancerit ishin përhapur në zorrë, mushkëri dhe mëlçi. Pasi gjendja e tij po përkeqësohet, Peles i kanë dhënë vetëm qetësues dhimbjesh.
Ai u shtrua të enjten pasi kishte problmee me zemrën, por vajza e tij Kely siguroi fansat në mbarë botën se nuk kishte “asnjë arsye për alarm”. Spitali lëshoi deklaratën e vet për të konfirmuar se Pele ishte trajtuar me antibiotikë për një infeksion në frymëmarrje dhe gjendja e tij u përshkrua si “stabile” . Pele e prezantoi veten në skenën globale si 17-vjeçar në Kupën e Botës 1958, duke ndihmuar Brazilin për të parën nga pesë sukseset e tyre rekorde. Lëndimet ndikuan në turnetë e tij në 1962 dhe 1966, por ai u kthye për të udhëhequr Brazilin drejt një triumfi të tretë në Meksikë në 1970 si pjesë e asaj që konsiderohet gjerësisht si ekipi më i madh ndërkombëtar i të gjitha kohërave.
Zyrtarisht, Pele shënoi 757 gola në 831 ndeshje gjatë një karriere të shkëlqyer nga 1957 deri në 1977, megjithëse klubi Santos pretendon se numri i tij ishte më afër 1000. Tifozët e tij të dashur brazilianë treguan mbështetjen e tyre në ndeshjen e së premtes në Kupën e Botës kundër Kamerunit, duke shpalosur pankarta dhe tifo duke i dërguar Peles urimet e tyre më të mira.
