TIRANË– Ministri i Mbrojtjes Niko Peleshi duke folur pas mbledhjes së qeverisë bëri të ditur edhe vendimet e marra në mbledhje. Peleshi tha se do të merren 30 milionë euro kredi për të përforcuar mbrojtjen civile. Ai tha se me këto 30 milionë euro do të blihen mjete tokësore për zjarrfikësit si edhe 2 mjete ajrore. I pyetur nga gazetarët në lidhje me një lajm të publikuar në mediat malajzeze ku shkruhej se vendi ynë ka thyer embargon e vënë ndaj Rusisë dhe ka lejuar që gruri rus të kalojë në doganat toina ministri i mohoi dhe tha se nuk ka informacion në lidhje me këtë çështje.
Niko Peleshi: Parashikon sistemin e mbrojtjes civile dhe është i shtrirë në të gjithë territorin dhe të gjitha nivelet e institucionet. Sistemi merr financim e mbështetje nga kjo kredi prej 30 mln euro. Do të ndërtohet një qendër e mbrojtjes civile në Tiranë dhe më pas në të gjitha prefekturat e vendit. Sallat operacionale të pajisura me kompjutera dhe të lidhura në rrjet. Pranë këtyre 4 qendrave do të ndërtohen dhe struktura për kërkim-shpëtimin, për zjarr, përmbytje, tërmet e orteqe. Parashikohet blerja e automjeteve zjarrfikës dhe logjistika për përmbytje, aksidentet rrugore dhe kërkim-shpëtim. Pjesë e kredisë është parashikuar edhe blerja e dy mjeteve ajrore sidomos për zjarret, për periudhën e vështirë të verës. Kamp trajnimi për zjarrfikësit, forcat emergjente dhe forcat e armatosura dhe me laboratorë simulimi. Me këtë financim, kompletojmë të gjithë sistemin e mbrojtjes civile në vendin tonë. Nuk them vlerën për mjetet ajrore, por brenda kësaj kredie mund të akomodojnë këto mjete.
Pyetje: Shkrimi në mediat malazeze për thyerjen e embargos?
Niko Peleshi: Nuk e kam këtë informacion nga mediat malazeze, nuk jam njohur me këtë lajm. Nuk e di sa qendron, së pari sa e vërtetë është që një media serioze, se mund të ketë lloj lloj portalesh që shkruajnë e unë nuk jam këtu për t’i dhënë përgjigje cdo lloj portali por nuk e kam këtë informacion.
