TIRANË– Ministri i Mbrojtjes Niko Peleshi deklaroi se ushtarakët e vendit tonë ashtu si ata në SHBa do të pajisen me kartën e ushtarakut. Sipas ministrit kështu ata do të përfitojnë ulje në supermarkete dhe shërbime sociale.
Niko Peleshi: Ma thonë vetë ushtarakët, u ka bërë shumë përshtypje, kur shkojnë në SHBA, një ushtarak mban kartën e ushtarakut. Shpresojmë ti pajisim edhe ne me një kartë të standardit të NATO-s, ushtarakët dhe ish ushtarakët, kartë e cila ka nga mbrapa përfitime sociale apo përfitime të tjera. Nëse tregon kartën në supermarket, shitësja e supermarketit ngrihet në këmbë dhe i thotë “faleminderit për shërbimin”. Kjo fjali i jep kredo të jashtëzakonshme morale ushtarakëve dhe djali apo vajza e tij do duan të jenë pjesë e ushtrisë amerikane nesër. Këtë duam të arrijmë edhe ne dhe do tu lutesha që të na jepni një dorë edhe ju se jeni shumë të rëndësishëm me ekranet tuaja në ndërtimin e kësaj kredoje morale.
