TIRANË– Enea Cenko, avokati i të resë që u mbajt peng dhe u dhunua barbarisht nga bashkëjetuesi i saj Gleard Gusholli ka folur për mediat ku ka dhënë detaje. Ai deklaroi se e klientja e tij është dhunuar në mënyrë barbare dhe se ajo ka dashur disa herë që të vetëvritet duke u hedhur nga kati i pestë i apartamenmtit. Po ashtu avokati tha se vajza mban nënshtetësinë gjermane dhje se punon si infermiere atje.
Enea Cenko: Është mbajtur me dhunë nga ky shtetas që është ndaluar nga komisariati numër 2 i Tiranës, vajza është tentuar që të vritet nga ky shtetas. Unë kërkoj ndryshimin e akuzës për këtë shtetas. Në bazë të informacioneve që unë kam, vajza është kërcënuar vazhdimisht, vajza është shtetase gjermane, është njohur në spital me personin e arrestuar. Ka qenë spitali gjerman që ka kërkuar ndihmë për të riun, që vajza ta përkthente. Policia e Shtetit ka reaguar në mënyrë të menjëhershme, por unë mendoj se kualifikimi i veprës penale ka mangësi ligjore, pasi do të duhet të ishte jo vetëm pengmarrje, por edhe tentativë vrasje. Të ribëhet kualifikimi i veprës penale, institucionet të marrin në dorë jetën e asaj vajze. Të merret në mbrojtje urgjente nga shteti shqiptar.
