Nga Agim Nesho
Fitorja historike e Presidentit Trump është një fitore e demokracisë dhe mbrojtje e lirisë së popullit amerikan që beson në të drejtën e patjetërsueshme për të zgjedhur vetë përfaqësuesit e tij.
Ky votim plebishitar ishte kundër përdorimit të drejtësisë si armë kundër kundërshtarëve politikë, kundër polarizimit social të SHBA-së me politika ekstremisht të majta dhe retorikës së urrejtjes.
Si gjithmonë, një mësim domethënës nga demokracia amerikane për të reaguar në Shqipëri ndaj një situate të njëjtë, por ekstremisht më të rëndë, ku shteti është kapur, udhëheqësit e opozitës nën arrest, dhe shteti ligjor nuk funksionon.
Shikoni se si reagon sulltani i vogël ballkanik ndaj kësaj ngjarje historike në SHBA, duke deklaruar se ai ka bashkëpunuar me Presidentin e 46 të SHBA (pa i përmendur emrin) dhe do të vazhdojë bashkëpunimin me Presidentin e 47.
Për të, udhëheqësit e botës së lirë janë vetëm numra që vijnë dhe shkojnë, ndërsa Autokrati i Shqipërisë është i përjetshëm sepse dhunon dhe shpërdoron popullin e tij, duke përdorur dhe blerë influencën amerikane për interesa të mbajtjes së pushtetit.
Ka ardhur koha që shqiptarët të marrin në dorë fatet e tyre dhe të kthejnë demokracinë në Shqipëri.
E gënjen mendja që mund të vazhdojë më gjatë të blejë influencë alla McGonigal me para të pista në Perëndim.
