TIRANË– Gazetari Xhevahir Zhabina tha në studion e emisionit “Stay Tuned” se zhvillimet brenda Partisë Demokratike nuk e bën ideale situatën për Belind Këlliçin.
Duke komentuar aktualitetin politik, Zhabina theksoi se nëse PD do ishte në kushte të tjera dhe do prezantonte vetëm një kandidat, kryebashkiakut Veliaj do i rrezikohej karrigia.
I ndalur dhe tek gara në Durrës, qytetin ku jeton, gazetari tha se Igli Cara ka mundësi ta rrëzojë dominancën e socialistëve por shtoi se fitorja do të ndahet me pak vota vetëm nëse PD del me një kandidat.
“Do ishte mirë që PD të hynte në zgjedhje bashkë, por mesa duket nuk është e mundur. Televizionet dhe portalet nuk prodhojnë gjera veç politikës. Nuk mendoj se kanë për të hyrë bashkë. Kjo situatë i leverdis partisë në pushtet, ecën e qetë në rrugëtimin e vet dhe bën fushatë. Ndërkohë që ajo është në fushatë opozita harxhon fuqitë diku tjetër dhe nuk ka produktivitet në publik. Nëse PD do ishte në kushtet veta ideale, ku do ishte një parti dhe do kishte një kandidat që do e mbështeste do ishim në një situatë tjetër, ku Veliajt i rrezikohej karrige. Situata në PD nuk e bën ideale situatën për Këlliçin. Këlliçin e shoh të angazhuar në fushatë me qytetarët, po merret me problemet që ka Tirana, por përçarja është disavantazh i madh për Këlliçin. Tirana ka bëre ndryshimet në vend, kështu që të presim 14 majin. Ka 20 vite që Durrësi drejtohet nga socialistët. Igli Carën e simpatizojnë shumë është nga ata personazhe pozitiv. Ka mundësi ta rrëzojë dominancën e socialistëve në Durrës, por pushteti ka konsoliduar shumë gjera në këtë qytet. Duhen pasur parasysh dhe zgjedhjet e 6 marsit në Durrës dhe aty u pa që socialistët ishin goxha të fortë. PD doli me këto zgjedhje me 2 kandidatë, por mendoj se Durrësi do ndahet me shumë pak vota nëse dilet me një kandidat.
Zhabina theksoi se nuk është në synimet e tij të bëjë gazetari politike, pasi fokusohet kryesisht në raportimet e deklaratave të njërit lider, apo tjetrit.
“Nuk është në synimet e mia për të bërë gazetari politike, jam mirë këtu ku jam. Di ta bëj mirë këtë gjë. Fokusi im tashmë ka qenë sistemi i drejtësisë, por 2-3 vitet e fundit më janë hapur dritare të tjera dhe tani merrem dhe me pak ekonomi dhe gjëra sociale. Socialja është fushë që nuk investigohet si duhet, është minierë ari për shkak të probleme që ka si varfëria, rrogat e ulëta. Politika nuk më kënaq, do raportosh çfarë thotë lideri i opozitës apo mazhorancës”
