TIRANË– Ka përfunduar mbledhja e grupit parlamentar të Partisë Demokratike që mbështesin Gazment Bardhi dhe Enkelejd Alibeaj. Pas mbledhjes së mbajtur në Kryesinë e Kuvendit deputetja Jorida Tabaku ka deklaruar se PD-së i duhet një analizë e thellë si dhe njoftoi se do të nisë një tur dëgjese me demokratët. Po ashtu Tabaku nuk dha komente nëse do ta pranojë detyrën e kryetare së komanduar të partisë pas dorëheqjes së Enkelejd Alibeaj.
Jordida Tabaku: Pati diskutime për seancën e nesërme. Ne nuk mund të sillemi sikur nuk ka ndodhur asgjë. Diskutimet lidheshin dhe për situatën që po ndodh në PD. Kemi vendime për të marrë, opozita shqiptare në 14 maj ka pësuar humbje të madhe, nga më të mëdhatë. Kemi nevojë që të kuptojmë se çfarë ka ndodhur. Kemi nevoje për të nisur një tur dëgjesash, reflektimi për të kuptuar se si mund të ringrihemi. Unë jam duke u konsultuar me anëtarët. E rëndësishme është që mos të përsëriten gabimet e së shkuarës, pa u nxituar. U detyrohemi këtë demokratëve edhe shqiptarëve.
