BERAT– Një banesë është përfshirë nga flakët mesditën e kësaj të hënë në lagjen “Donika Kastrioti” në Berat. Fatmirësisht nuk raportohet për persona të lënduar por vetëm dëme materiale. Sipas Policisë në banesë ndodhej vetëm një i moshuar, i cili ka dalë jashtë pa lëndime. Shkak për zjarrin dyshohet një defekt në rrjetin elektrik. Vijojnë hetimet.
NJOFTIMI I POLICISË:
Berat/Informacion paraprak. Rreth orës 12:00, në lagjen “Donika Kastrioti”, ka rënë zjarr në banesën e shtetasit J.K., 73 vjeç dhe si pasojë ka vetëm dëme materiale. Paraprakisht dyshohet se zjarri ka rënë nga një defekt në linjën elektrike. Grupi hetimor po punon për sqarimin e rrethanave të ngjarjes.
