TIRANË-Një zjarr ka përfshirë qendrën e të moshuarëve në Kavajë. Raportohet se zjarri ka rënë aksidentalisht dhe për pasojë është dëmtuar lehtë një nga të moshuarit. Në vendin e ngjarjes kanë mbërritur ekipet zjarrfikëse të cilat kanë bërë të mundur shuarjen e flakëve. Ndërkohë grupi hetimor po heton për zbardhjen e plotë të rrethana të ngjarjes që mund të kishte përfunduar me një bilanc tragjik.
NJOFTIMI I POLICISË:
Kavajë/Informacion paraprak Më datë 23.01.2023, dyshohet se aksidentalisht ka rënë zjarr në një qendër për të moshuar. Si pasojë është dëmtuar lehtë një e moshuar që qëndron në këtë qendër. Zjarri është shuar pas ndërhyrjes së shërbimeve zjarrfikëse. Grupi hetimor ndodhet në vendngjarje dhe po punon për zbardhjen e plotë të rrethanave të ngjarjes.
