LEZHË– Një zjarr ka përfshirë një pallat në lagjen “Skëndërbej” në Lezhë. Zjarri mësohet të jetë shkaktuar si pasojë e një defekti në bllokun e sistemit elektrik të pallati.
Forca të shumta policie dhe zjarrfikësja kanë mbërritur në vendin e ngjarjes ndërkohë banorët kanë lënë shtëpitë e tyre dhe kanë dalë jashtë të panikosur. Pallati në fjalë është rindërtuar pas tërmetit tragjik që preku dhe një pjesë të ndërtesave në Lezhë.
