TIRANË– Një zjarr ka përfshirë lokalin që ndodhet në tarracën e Gjykatës së Lartë në Tiranë. Sipas Policisë në vendin e ngjarjes kanë mbërritur menjëherë forcat zjarrfikëse të cilat po punojnë për shuarjen e flakëve. Nuk raportohet për të lënduar. Grupi hetimor po heton shkaqet.
NJOFTIMI I POLICISË:
Tiranë/Informacion paraprak. Më datë 20.07.2023, rreth orës 08:05, në kryqëzimin e rrugës “Myslym Shyri” me rrugën “Ibrahim Rrugova”, në një lokal në tarracën e katit të katërt të Gjykatës së Lartë, ka rënë zjarr. Në vendngjarje ndodhen shërbimet e Policisë dhe ato të zjarrfikëses, të cilat po punojnë për fikjen e zjarrit. Grupi hetimor po punon për sqarimin e rrethanave të ngjarjes.
