TIRANË-Kryetari i Partisë së Lirisë Ilir Meta kështë ndalur në një prononcim të shkurtër për gazetarët pas daljes nga selia e PD ku zhvilloi një takim me kryedemokratin Sali Berisha. Meta u pyet nga gazetarët në lidhje me deklaratat e bëra nga ambasadorja amerikane në Tiranë Yuri Kim për Sali Berishën dhe përfshirjen e tij në zgjedhje. Kreu i PL-së tha se koalicioni “Bashkë Fitopjmë” ka kandidatë që përfaqësojnë vlerat më të mira qytetare.
Ilir Meta: Kandidatët e zgjedhur nga opozita përmes procesit më legjitim dhe demokratike që ka njohur Shqipëria jonë e re janë kandidatë që përfaqësojnë vlerat më të mira të qytetarisë që kanë vizionin më të qartë për mbrojtjen e trashëgimisë kulturore. Janë kandidatë të përkushtuar në rrugën euro-atlantike të Shqipërisë, ndaj edhe do ët fitojnë. Koalicioni jonë është koalicioni që do të vendosë pluralizmin në të gjitha bashkitë. Ne do të rikthejmë transparencës llogaridhënien dhe interesin publik
Ndërsa i pyetur për vendimin e marrë nga kryeministri Edi Rama për rritjen e pagave në sektorë të ndryshëm të administratës publike Meta e quajti një mashtrim të radhës nga ana e kreut të qeverisë.
Ilir Meta: Qytetarët janë mësuar me mashtrimet e përsëritura të Ramës. Ata e dinë sesa falas është shëndetësia sot në vitin e 10 të qeverisjes së tij. Ata e dinë se Rama kujtohet për ta pak javë para ditës së zgjedhjeve. Nuk e harrojnë se përgjegjës për shtrenjtimin e kostos së jetesës si në asnjë vend tjetër të kontinentit është vetëm Edi Rama me shërbimet që i bën klientelës së tij në kurriz të qytetarëve. Opozita synon fitore në qytetet kryesore të vendit, në të gjitha bashkitë ku kandidojmë. Do kemi shumicën dërrmuese në të gjitha këshillat bashkiake të vendit
