GREQI– Një atentat brenda një lokali në Nea Smyrn në Athinë ka përgjakur mbrëmjen e sotme kryeqytetin grek dhe ka lënë të vdekur një shqiptar dhe të plagosur dy të tjerë.
Mediat greke shkruajnë se ekzekutori, i cili i kishte mbuluar tiparet për të mos u dalluar ka qenë duke i pritur brenda në lokal. Në momentin që i ka pikasur ka dalë jashtë dhe i ka ekzekutuar.
E plagosur aksidentalisht ka mbetur dhe një grua, e cila ka marrë një plumb në shpinë. Bëhet e ditur se ajo ishte dhe pronarja e lokalit. Fatmirësisht nuk ka marrë plagë serioze. Në vendngjarje policia ka gjetur tre gëzhoja 9 mm, ndërsa nga provat e para rezulton se bëhet fjalë për larje hesapesh.
