Kandidati i koalicionit politik “Bashkë Fitojmë” Dhionisios alias Alfred Beleri, rezulton të ketë qënë mjaft aktiv duke hyrë personalisht në bisedime për blerjen e votave tek qytetarët e Himarës. Beleri, u premtonte para dhe euro, banorëve të zonës ku kishte hedhur kandidaturën për të qënë kryetar Bashkie në Himarë.
Por mbi të gjitha sipas dosjes hetimore me nr. 489, kandidati i kualicionit “Bashkë Fitojmë”, negocionte personalisht marëveshje korruptive, duke u ulur me njerëzit në kafene dhe zyrën e tij elektorale dhe fiksuar çmimet për çdo votë.
“Ora News” ka mundur të sigurojë dosjen hetimore, e cila është përpiluar brenda një periudhe 5 ditore, dhe çuar në arrestimin në flagrancë të Fredi Beleri dhe bashkëpuntorit të ngushtë të tij, Pandeli alias Pano Kokaveshi. Në dosjen hetimore thuhet përmes informacioneve të siguruara në rrugë operative, anëtarë të Shtabit Elektoral të kandidatit për kryetar Bashkie në Himarë, Fredi Beleri, blinin vota kundrejt vlerave të ndryshme monetare në lek dhe euro.
Nisur nga kjo situatë policia e Vlorës ka rënë në kontakt me shtetasin me inicialet A.R, i cili gjatë marjes në pyetje ka pranuar se Fredi Beleri, i kishte kërkuar personalisht blerjen e votave atij dhe grupit shoqëror dhe familjar që përfaqësonte.
Nisur nga kjo situatë, policia ka kërkuar bashkëpunimin e qytetarit A.R, i cili ka pranuar të vihet në shërbim të policisë dhe prokurorisë, për të dokumentuar çdo veprim korruptiv, që mund të realizohej nga kandidati i kualicionit “Bashkë Fitojmë” në Himarë.
Në dosjen e siguruar nga “Ora News” evidentohet fakti se mes qytetarit A.R është lidhur një marëveshje bashkëpunimi, dhe më pas të gjitha veprimet e tij për kryerjen e përgjimeve ambjentale, janë realizuar përmes autorizimit të firmosur nga prokurorja e çështjes, Matilda Peza.
Sipas dosjes hetimore kandidati për kryetar bashkie në Himarë, Alfred Beleri, mbante kontakte të personalizuara me qytetarin A.R. Beleri dhe A.R, janë takuar së bashku dhe qytetari i ka thënë:
”…kam 13 njerëz në dispozicion për të votuar, por çfarë po ofron…pasi njerëzit kërkojnë diçka se janë në kushte të vështira ekonomike, s’kanë përkrahje”.
Nga tjetër Fredi Beleri, i është shprehur qytetarit A.R, se:
”… më sill listën e emrave t’i shikoj ku votojnë, dhe fillimisht të jap 100 euro…nëse dalim mirë po të jap dhe 300 euro shtesë më vonë…”.
Fredi Beleri dhe A.R, kanë rënë dakord që një votë të blihej kundrejt shumës prej 50 euro. Qytetari i ka vënë Belerit në dispozicion listën prej 13 emra të personave me votim në Himarë, që ishin të gatshëm të votonin për Fredi Belerin, nëse ky i fundit paguante.
Madje gjatë bisedës, Beleri i thotë qytetarit të infiltruar se për të marë porosinë (shumën financiare), do kontaktohej në telefon nga një miku i tij.
E gjitha biseda mes qytetarit A.R dhe kandidatit për kryetar bashkie në Himarë, Fredi Beleri, është përgjuar nga qytetari, i cili ishte i autorizuar nga prokuroria për të kryer këto veprime.
Ndërsa menjëherë pas ndarjes mes A.R dhe Fredi Belerit, ky i fundit ka telefonuar bashkëpuntorin e tij, Pandeli Kokaveshin, duke i lënë porosi për një takim me një simpatizant.
Një ditë pas këtij takimi, A.R, telefonohet nga një numër, i cili rezulton të jetë Pandeli Kokaveshi, i cili thiret ndryshe si “Pano”.
Ky i fundit i thotë qytetarit: “…jam një miku i Fredit, më tha që t’ju jap një porosi që keni biseduar bashkë…”. A.R dhe Pandeli Kokaveshi, janë takuar së bashku në ambjentet e lokalit “Gelateria” në Himarë.
Sapo këta dy burra janë takuar me njëri-tjetrin, Kokaveshi, i ka marë telefonin A.R, dhe ja ka vendosur në ambientet e banakut të lokalit. Ky veprim është kryer prej tij, pasi i ndruhej një filmimi të mundshëm nga A.R, në momentin kur do i dorëzonte paratë.
Por Pandeli Kokaveshi, nuk ishte në dijeni se veprimet e tij përgjoheshin nga A.R dhe filmoheshin nga distanca nga forcat operacionale të Policisë së Shtetit.
Kokaveshi dhe A.R, bisedojë në një tavolinë të lokalit, ku Kokaveshi i thotë: “…e pashë listën me emra të plotë që na solle,por nga ato 13 persona, unë 5 i kam identifikuar dhe i kam paguar më parë…ndaj që porosia duhet të paguhet për 8 persona të tjerë të listës…”. Qytetari A.R, nuk ka shfaqur kundërshti duke shtuar se “…s’ka asnjë problem…”.
Pandeli Kokaveshi, i ka kërkuar qytetarit A.R, që të zhvendoseshin në ambjent e WC-së së lokalit, në mënyrë që ti jepte prosinë prej 400 mijë lekë të vjetra, për 8 votat e mbetura nga lista me 13 emra.
Të dy burrat janë ngritur nga tavolina e lokalit dhe njëri pas tjetrit, kanë hyrë në ambientet e WC-së, ku dhe është bërë dorëzimi i lekëve.
Më pas qytetari A.R, ka marë telefonin në banakun e lokalit dhe është larguar. Sasia e 8 copëve kartëmonedhave 5000 lekëshe tashmë është sekuestruar dhe foto që shihet, tregon qartë paratë që janë përdorur për blerjen e votave në Himarë.
Shuma financiare është administruar në dosje me nr.489 si prova kryesore e këtij procedimi. Ndërsa në orët e vona të natës është bërë arrestimi nga policia, i kandidatit për kryetar bashkie në Himarë, Fredi Beleri dhe bashkëpuntorit të tij, Pandeli alias Pano Kokaveshi.
Të dy akuzohen për veprën penale të “Korrupsionin aktiv në zgjedhje” kryer në bashkëpunim. Pritet që Beleri dhe Kokaveshi të dalën para gjykatës së Vlorës për tu njohur me masën e sigurisë “arrest në burg”.
Ndërsa pas kësaj procedure ligjore, çështja do i kalojë për hetime të mëtejshme prokurorisë së Posaçme SPAK në Tiranë.
Kandidatura e Belerit për bashkinë Himarë, përfaqësonte lobin grek në këtë zonë. Emri i Fredi Belerit, është mjaft i lakuar në qarqet politike dhe mediatike, si pjesëmarës në shumë debate publike kundër interesave të shqiptarëve.
Beleri është evidentuar dhe marë i pandehur nga Prokuroria e Krimeve të Rënda për “Vepra terroriste” si pjesëmarës në komandon ushtarake “PIRO” që në 10 Prillit 1994 realizoi masakrën në postën kufitare të Peshkëpisë, duke vrarë Fatmir Shehin, Arsen Gjinin dhe plagosur 3 ushtarë të tjerë.
Beleri, prej vitit 2018 administron një hotel luksoz në zonën e Himarës, që quhet “Militiko”.
Ndërsa Pandeli alias Pano Kokaveshi, rezulton të jetë i afërm i Andrea dhe Nikollë Kokaveshi, të cilët kanë qënë pjesë e komandës paraushtarake “PIRO”, që sulmuan postën e “Peshkëpisë” dhe një vit më pas tentuan të sulmojnë postën kufitare të “Llongos”./Ora News
