Përgjimet e Prokurorisë së Fierit, të publikuara lidhur me aferën e kompanisë “Bankers Petroleum Albania”, zbulojnë praktika të dyshimta financiare dhe korrupsionin që lidhet me disa kompani dhe institucione publike. Një nga bisedat e regjistruara daton më 9 prill 2025, ku drejtoresha e Thesarit të “Bankers Petroleum”, Majlinda Thana, diskuton me një zyrtare të huaj, Sheri, lidhur me prioritetet e pagesave. Gjatë bisedës, Thana sugjeron që Albpetrol, që drejtohet nga Eltar Deda, të paguhet pas të tjerave, pasi janë shpenzimet më të vogla dhe mund të presin deri në momentin që të arrijnë të ardhurat e ardhshme.
Në biseda të tjera, përmenden gjithashtu disa kompani të tjera si Antea, PetroSolution dhe SIA Kalandra, të cilat përfitojnë pagesa të preferuara, ndryshe nga Albpetrol që ndodhet në fund të listës. Sipas Thana-s, këto pagesa janë urgjente dhe nevojiten për të mbajtur në balancë borxhet dhe për të shmangur pengesa në operacionet e kompanisë. Kjo ka nxitur dyshime se janë përdorur fatura të vjetra dhe pagesa pa dokumentacion të plotë për disa prej këtyre kompanive, duke e përforcuar perceptimin për abuzim me fondet.
Përveç kësaj, përgjimi i datës 10 prill 2025 përmend një transferim prej 2 milionë eurosh nga Vjena, i përdorur për pagesa të dyshimta. Autoritetet janë duke hetuar lidhur me këto aktivitete dhe lidhjet e mundshme mes kompanisë dhe individëve të lidhur me të. “Shko te Vienna, është një transfer prej 2 milionësh… edhe një tjetër prej 60 mijë. Këto janë nga Viena”, thotë Thana.Dyshimet janë të thella për mënyrën se si “Bankers Petroleum” ka menaxhuar fondet e saj dhe për motivimin pas dështimit të vazhdueshëm të kompanisë me humbje, ndërkohë që vazhdon të operojë në Shqipëri.
Bisedat e regjistruara në 9 prill 2025, mes Majlinda Thana drejtoreshë e Thesarit pranë Bankers Petrolium me një shtetase të huaj të quajtur Sheri (punonjëse e lartë brenda Bankers në fushën e Financave)
Personi – A – Është shtetasja Majlinda Thana me numër telefoni 06970…
Personi – B – Është shtetasja Sheri me numër telefoni 06940…
Personi B: Përshëndetje Majlinda
Personi A: Përshëndetje Sheri, si je?
Personi A: Pra, fillimisht dua të të informoj që jam me pushime deri më 28 Prill. Pushimet nga viti 2024.
Personi A: Viti i kaluar, viti i kaluar.
Personi A: Kjo do të thotë që nuk do të kontrolloj email-in shumë shpesh, por nëse ka ndonjë urgjencë, mund të më ndihmoj, sigurisht. Së dyti, pashë planin tënd të pagesave (cash plan), ku më ke kërkuar të jap mendimin tim, etj.
Personi A: E pashë që nuk ka shumë hapësirë për pagesa të tjera, ndërkohë që ka shumë pagesa urgjente. Për shembull, së pari është Antea. Me Antea kemi garanci bankare, siç e di, dhe duhet të paguajmë, sepse kanë kaluar disa muaj pa bërë pagesë ndaj tyre, dhe borxhi i grumbulluar është rreth 500,000 USD, dhe kjo duhet patjetër të paguhet…Së dyti, kemi qiratë e tokës. Vlera e tyre është më pak se 1 milionë USD, por u kam kërkuar të dërgojnë kërkesat më urgjente sdhe vlera e tyre shkon deri në 400,000 USD. Gjithsesi, unë do të përgatis pagesat urgjente sipas atyre që shoh si më të rëndësishmet që nuk mund të shtyhen z.Xiao dhe të tjerët mund të japin sugjerime apo të konfirmojnë.
Personi B: Po, po…(flet dhe nuk kuptohet)
Personi A: Por kam parë që ke përfshirë këtu edhe Albetrol. Pse? Eshtë në fund të muajit, atëherë të presim të ardhurat e ardhshme për ta paguar Albetrol.
Personi B: Po mund të diskutojmë për këtë. Ndoshta duhet ta shtyjmë. Duhet të diskutojmë cilat.
Personi A: Po, sipas meje, albpetrol mund të presë me 1.5 milionë. Duhet të presë padiskutim. Përndryshe na mbeten shumë pak para në dispozicion dhe ka shumë furnitorë të rinj që nuk janë përfshirë si psh Seriani, SIA Kalandra etj…kështu që…
Personi B: Duhet të përditësosh…(flet por nuk kuptohet)
Personi A: Nuk e di nëse ke përfshirë këtu…lërme të kontrolloj…Petro Solution 800 mijë duket paksa shumë. Mund ta shtyjmë një pjesë të shumës për në fund të muajit. Këshilla ime është që të shtyjmë një pjesë të shumës për Petro Solution dhe Albetrol deri në të ardhurat e ardhshme.
Personi B: Flet po nuk kuptohet
Personi A: Por sidoqoftë duhet të përgatitemi edhe për përballjen tjetër financiare – të përcaktojmë pagesat urgjente që të dimë sa para kemi, sa mund të shpenzojmë. Sigurisht, edhe një lojale tjetër doganore për tu hequr, dhe pastaj mund të shohësh se cfarë mbetet për tu shpërndarë te furnitorët e tjerë. Sepse në këtë formë nuk është shumë e saktë për tu derguar për aprovim te menaxhmenti – ata duhet të jenë të informuar për të gjitha shpenzimet e detyrueshme të muajit. Ok? Ndoshta do ta përditësoj më vonë. Nuk e di nëse do ta dërgoj gjatë orarit të punës apo pasdite, por më mirë të mos aprovohet ky version. Më mirë të mos aprovohet. Sepse…
Personi B: (flet por nuk kuptohet)
Personi A: Po, sepse ka disa furnitorë të vegjël që po kërkojnë pagesë çdo ditë. Më mirë të bëjmë pagesat. Po. Po, e di.
Personi A: Më fal, një shqetësim nga departamenti financiar është në lidhje me kartën e kreditit të Sugar-it. E dimë që ai është larguar nga kompania dhe nuk është më pjesë e pagave tona që prej janarit, por karta e tij e kreditit vazhdon të përdoret. Kjo i takon menaxhmentit të vendosë çfarë të bëhet me atë kartë. Nëse duan ta mbajnë apo jo – ata duhet t’i japin një udhëzim, sepse ai nuk është më punonjës. Por shpenzimet që janë bërë që kur është larguar, nuk e dimë për sa kohë – kompania duhet të vendosë nëse do t’i mbulojë apo do t’i paguajë vetë. Nëse ai nuk është më punonjës, nuk ka arsye që kompania të mbulojë shpenzimet e kartës së tij të kreditit.
Por është prioritet që dikush të flasë me z. Wang ose z. Xiao. Nuk e di. ndoshta z. Xiao ka qenë shefi i tij. Por edhe z. Wang. Sepse, nga ana financiare, karta e kreditit është në departamentin e financës dhe duhet ta zgjidhim këtë sa më shpejt. Besoj se ti i ke dërguar shpenzimet e tij edhe te qendra, sepse merr deklaratat e kartës së kreditit.
Personi B: (flet por nuk kuptohet)
Personi A: Okej, pra karta e tij e kreditit është pjesë e kontrollit të auditimit. Sipas politikave të brendshme, nëse dikush nuk është punonjës, dhe ka kartë krediti, atëherë duhet të justifikohen shpenzimet – ose të paguhet nga z. Xiao, ose të vendosë kompania çfarë do bëjë… Pra, është një vendim që duhet ta marrin. Okej? Por të lutem, vendose si prioritet për diskutim me Z. Xiao.
Z. Wang apo qendra. sepse duhet ta zgjidhim këtë çështje.
Personi A: Faleminderit. Mirupafshim.
JOQ Albania
