TIRANË– Deputeti demokrat Ferdinant Xhaferraj e ka cilësuar një maskaradë vendimin e Enkelejd Alibeajt për të përjashtuar mbrëmjen e djeshme nga grupi parlamentar katër deputetët demokratë, Oerd Bylykbashin, Tritan Shehun, Agron Shehajn dhe Belind Këlliçin. Duke folur nga Kryesia e Kuvendit Xhafereaj tha se nuk e ka firmosur atë vendim dhe se lajmin e ka marrë vesh nga mediat. Sipas deputetit demokrat të Durrësit ky veprim i shërben “regjimit” të Edi Ramës.
Ferdinant Xhaferraj: Ka 4 deputetët e përjashtuar kanë kolegë të respektuar. Unë jam njohur nëpërmjet medias. Është e gjitha maskaradë. 4 deputetë janë të respektuar dhe i rri mirë kostumi i deputetit opozitar. Unë jam marrë dhe merrem me qeverinë, ka të tjerë që merren me kolegët. Unë asnjëherë nuk kam votuar dhe nuk kam firmosur për përjashtim kolegësh. Jemi përballë një regjimi. Salianjin këtu e keni, do ta pyesni. Çdo lloj iniciative që mua më krijon bindjen se e forcon opozitën do ketë firmën time, çfarëdo që e dëmton nuk e ka mbështetjen time.
