Gjendja shëndetësore e superbosit mafioz të “Cosa Nostra”-s, Matteo Messina Denaro po përkeqësohet. Sipas mediave italiane bëhet e ditur se se prej pesë ditësh ai është shtruar në terapi intensive në një spital në L’Aquila, ku iu nënshtrua një operacioni delikat në gusht. Shefi i departamentit të onkologjisë shpjegoi se pacienti vuan nga kanceri i zorrës së trashë në stadin e katërt dhe po i nënshtrohet terapisë së personalizuar sipas nevojave të tij.
Për këtë arsye avokatët e tij kishin përgatitur një kërkesë për lirim përfundimtar, por akti u pezullua përkohësisht për shkak të gjendjes së rëndë shëndetësore të bosit mafioz. Mbesa e shefit, avokatja Lorenza Guttadauro, ndodhet aktualisht në qytet për ndjekjen e çështjes. Komenti i bërë nga LaPresse nga Luciano Mutti, kreu i ekipit onkologjik që trajton Denaron:
“Terapia e dhimbjes është ripërshtatur, të gjithë pacientët përgjigjen në të njëjtën mënyrë”.
Mjeku kryesor i departamentit të onkologjisë në spitalin L’Aquila iu përgjigj një përditësimi të kërkuar për gjendjen shëndetësore të shefit 62-vjeçar të shtruar në San Salvatore, në një pavion kushtuar të burgosurve, që prej datës 8 gusht. Ai iu nënshtrua një operacioni që nuk lidhet ngushtësisht kancerin.
