ITALI– Një përleshje e dhunshme ka plasur në burgun Don Bosco në Pizë. Përplasja mes të burgosurve ka ndodhur në katin e dytë ku disa të burgosur nisën të protestonin fillimisht për probleme shëndetësore. Pas pak minutash protesta u bë e dhunshme ku disa orendi u dogjën. Nga një protestë paqësore gjithçka në pak minuta precipitoi në dhunë dhe përplasje me të burgosurve shqiptarë kundër të burgosurve të Magrebit. Qetësimi i situatës ishte i vështirë nga ana e punonjësve të burgut të cilët vetëm pas orës 22:00 të mbrëmjes arritën të neutralizonin të burgësorit.
Për Donato Capece, sekretar i përgjithshëm i Sindikatës së Pavarur të Policisë Penitenciare SAPPE tha se:duhen ndërhyrje urgjente dhe strukturore për të rikthyer ligjshmërinë e duhur në qarkun e burgjeve duke ndërhyrë kryesisht në regjimin e paraburgimit të hapur. Mënyra më e qartë dhe më radikale për të eliminuar të gjitha këto shqetësime do të ishte ajo e një rimendimi të përgjithshëm të funksionit të ndëshkimit dhe, brenda tij, të rolit të burgut: sigurisht jo faljet apo amnistitë.
Dëbimi i të huajve të paraburgosur në Itali, për t’i bërë ata të kryejnë dënimin në burgjet e vendeve të tyre të origjinës, tashmë mund të jetë një zgjidhje.
