SHKODËR– Moti i keq që ka përfshirë vendin ka shkaktuar përmbytje në zonat e Shkodrës. Kryebashkiaku Bardh Spahia duke folur për mediat nga zonat e përmbytura akuzoi qeverinë se po i lë vetëm banorët. Sipas kreut të Bashkisë së Shkodrës ka probleme me energjinë në disa fshatra.
Bardh Spahia: Përsëritet e njëjta situatë. Problematikat janë të shumta. Mungesa e energjisë për fshatrat është kthyer në problem serioz. Duhet vënë dorë njëherë e mirë për këto banorë. Duhen masa afatgjate. Mjaft është mjaft, banorët të mos lihen të vetëm. Është një barrë ekonomike në xhepat e këtyre banorëve, po lihen në vetmi. Askush nuk merr përsipër kompensimin e dëmeve. KESH përveç se të përfitojë nga shitja e energjisë, të marrë përsipër dëmin e banorëve. Ngre dyshimet e mija për menaxhimin e kaskadës së Drinit.
