Mëngjesin e sotëm Përmeti është zgjuar nga një ngjarje tragjike ku dyshohet se një i moshuar i identifikuar si Afroviti Peçi ka goditur për vdekje me shkop druri bashkëshorten e tij, 80-vjeçare Leonidha Peçi.
Ka qenë shërbyesja e cila e ka gjetur të moshuarën të dhunuar dhe pa shenja jete.
82-vjeçari është shoqëruar nga Shërbimet e Policisë. Ai ishte proceduar edhe më parë veprën penale “Dhuna në familje”.
NJOFTIMI I POLICISË:
Përmet/ Informacion paraprak.
Rreth orës 06:30, të mëngjesit, shtetasja, e cila punon si shërbyese në banesën e çiftit të të moshuarve Leonidha Peçi., 82 vjeç dhe Afroviti Peçi, 80 vjeçe, ka gjetur në banesën ku shërben, të pa jetë dhe me shenja dhune shtetasen Afroviti Peçi, 80 vjeçe.
Menjëherë në vendngjarje, ka shkuar grupi hetimor dhe nga veprimet e para hetimore dyshohet se 80 vjeçarja është goditur me sende të forta (shkop druri), nga bashkëshorti i saj shtetasi Leonidha Peçi, banues në fshatin Pëllumbarë.
Shërbimet e Policisë kanë shoqëruar në Komisariatin e Policisë Përmet, për veprime të mëtejshme procedurale shtetasinLeonidha Peçi, i proceduar penalisht edhe më parë për veprën penale “Dhuna në familje”.
Grupi hetimor nën drejtimin e Prokurorisë vijon punën për sqarimin e rrethanave të kësaj ngjarjeje.
