ELBASAN– lKatër persona kanë rënë në prangat e Policisë së Elbasanit këtë të mërkurë pasi akuzohen për vepra të ndryshme penale. Përmes një njoftimi për mediat Policia bën me dije se një 24-vjeçar i identifikuar me inicialet A.B është vënë në pranga pasi një vajzë ka bërë denoncim në Polici dhe ka treguar se i riu e përndiqte, kërcënonte si dhe i kishte marrë një shumë parash. Ndërsa një 25-vjeçar u arrestua pasi ka tentuar të vjedhë një servis makinash. Ndërkohë një 63-vjeçar kishte ndërtuar pa leje. Nën hetim nga blutë e Elbasanit janë vënë dy persona të cilët kanë shkelur rregullat e qarkullimit rrugor.
NJOFTIMI I POLICISË:
DVP Elbasan/Vihen në pranga 4 shtetas dhe procedohen në gjendje të lirë 2 shtetas të tjerë, për vepra të ndryshme penale. Specialistët e Qarkullimit Rrugor arrestuan në flagrancë shtetasin I. K., 20 vjeç, banues në Elbasan, për veprën penale “Drejtimi i automjetit në mënyrë të parregullt”, pasi duke drejtuar automjetin, në gjendje të dehur, është përplasur me murin rrethues të një banese.
Specialistët për Hetimin e Krimeve të Komisariatit të Policisë Elbasan kanë kapur dhe ndaluar shtetasit:
-K. K., 25 vjeç, banues në Elbasan. Për këtë shtetas, Gjykata e Shkallës së Parë të Juridiksionit të Përgjithshëm Elbasan, me vendimin e datës 11.05.2023, ka caktuar masën e sigurisë “Arrest në burg”, pasi dyshohet se në bashkëpunim me shtetasin R. H., i cili është arrestuar më datë 09.05.2023, kanë tentuar të vjedhin në një servis automjetesh;
-A. B., 24 vjeç, banues në Lushnjë, pasi për të ka bërë kallëzim një 24-vjeçare se ai e ka përndjekur dhe kanosur vazhdimisht, si dhe i ka marrë një shumë parash; -A. J., 23 vjeç, banues në Elbasan, pasi dyshohet se ka ushtruar dhunë ndaj babit të tij. Specialistët për Hetimin e Krimeve të Komisariateve të Policisë Elbasan dhe Peqin kanë referuar materialet në Prokurori ku nisi procedimi në gjendje të lirë për shtetasit:
-A. P., 63 vjeç, banues në Elbasan dhe M. Ç., 66 vjeç, banues në Peqin, pasi u kapën nga shërbimet e Policisë, duke kryer punime ndërtimi, pa lejen përkatëse. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.
