Përparim Çaça, analisti politik, I ftuar ditën e sotme në emisionin “Stay Tuned” drejtuar nga moderatorja Valbona Mhilli në MCN TV, ka folur rreth kthimit të Lulëzim Bashës për drejtimin e Partisë Demokratike.
Sipas Çaça-s, Lulzim Basha, ka qenë gjatë gjithë kohës aty, duke planifikuar cdo gjë që do të bëj në momentet në vazhdim, pra nuk ka ikur kurrë nga Partia Demokratike.
Sipas tij është shumë I trishtë fakti kur e sheh Partinë Demokratike të copëtuar, duke mos harruar faktin që ajo u krijua për të qenë dicka tjetër, për të qenë alternativë në këtë vend.
“Nuk ka ikur asnjëherë Basha faktikisht, por këtë 1 vit e ca ka qenë i strukur diku, thjeshtë për të parë, dhe ka qenë çdo gjë e planifikuar se do ishte Alibeaj dhe më pas do ishte ky rikthim në thonjëza që po bëhet gjoja me ca zgjedhje farse, me një Maqo Lakror të cilën është gjetur aty.Kam shumë respekt për Gjergji Hanin, por besoj se nuk është në momentin e duhur dhe vendin e duhur pikërisht në këto momente sa i përket të ardhmes së PD-së, dhe mua më vjen keq, faktikisht është e dhimbshme dhe për ne që jemi me marrë me politikë aktive dhe është e dhimbshme kur shoh këtë parti që nuk është më e përçarë, por e copëzuar e këtyre njerëzve që shohin për të qenë faktorë në politikë.PD është krijuar si një parti e lirisë dhe për të qenë alternativë në këtë vend. Nuk ka zgjedhje ato janë farse sepse e para nuk ka anëtarë. Do jenë zgjedhje farse me njerëz anonimë të cilat më pas do jetë interesante dhe numri se në këto zgjedhje farse që bëhen në momente të caktuara gjithmonë shumëfishohen”.– tha ai.
