TIRANË– Aksident me pasojë vdekjen në Tiranë. Raportohet se një 55-vjeçar i identifikuar me inicialet Sh.K ka humbur jetën pasi duke drejtuar mjetin është përplasur me një tjetër makinë në aksin rrugor Tiranë-Elbasan. Nga aksidenti ka mbetur e plagosur dhe pasagjerja që udhëtonte me viktimën. Ajo është dërguar në spital dhe ndodhet në kujdesin e bluzave të bardha. Policia po punon për zbardhjen e shkaqeve të aksidentit.
NJOFTIMI I POLICISË:
Tiranë/Informacion paraprak. Më datë 23.05.2023, në aksin rrugor Tiranë – Elbasan, automjeti me drejtues shtetasin E. Q. është përplasur me automjetin me drejtues Sh. K. Si pasojë e aksidentit, ka humbur jetën shtetasi Sh. K., 55 vjeç dhe është dëmtuar pasagjerja që udhëtonte në automjetin e tij, shtetasja V. K., e cila ndodhet nën kujdesin e mjekëve. Grupi hetimor po punon për sqarimin e rrethanave të aksidentit.
