VLORË– Ka marrë fund arratia për 50-vjeçarin e identifikuar me inicialet A.M, i cili paraditen e sotme përplasi një të moshuar në rrugën “Ali Demi” në qytetin e Vlorës. Pas aksidentit ai u largua menjëherë nga vendi i ngjarjes. Mësohet se e moshuara ndodhet nën kujdesin e bluzave të bardha jashtë rrezikut për jetën.
NJOFTIMI I POLICISË:
Specialistët e Qarkullimit Rrugor në DVP Vlorë bënë arrestimin e shtetasit A. M., 50 vjeç, banues në Vlorë, për veprat penale “Shkelja e rregullave të qarkullimit rrugor” dhe “Largimi nga vendi i aksidentit”. Ky shtetas, në rrugën “Ali Demi”, duke drejtuar automjetin tip “Citroen”, ka aksidentuar këmbësoren, shtetasen V. H., 60 vjeçe, e cila aktualisht ndodhet në spitalin e Vlorës, jashtë rrezikut për jetën. Drejtuesi i automjetit, shtetasi A. M, është larguar nga vendi i aksidentit, por u kap më pas nga shërbimet e Policisë.
