DURRËS–Një 19-vjeçar i identifikuar me inicialet E.Z është vënë në prangat e Policisë së Durrësit këtë të hënë për “Shkelje të rregullave të qarkullimit rrugor“. Sipas bluve të qytetit bregdetar i riu në mesnatë duke drejtuar mjetin e tij tip “Benz” ka përplasur për vdekje një këmbësor. Materialet procedurale i kaluan Prokurorisë.
NJOFTIMI I POLICISË:
Aksidentoi një këmbësor, me pasojë vdekjen, arrestohet në flagrancë 19-vjeçari.Specialistët e Sektorit të Qarkullimit Rrugor të Drejtorisë Vendore të Policisë Durrës arrestuan në flagrancë shtetasin E. Z., 19 vjeç, për veprën penale “Shkelja e rregullave të qarkullimit rrugor”, me pasojë vdekjen e një personi. Rreth mesnatës, në lagjen nr. 17, automjeti tip “Benz” që drejtohej nga 19-vjeçari, ka përplasur shtetasin I. D., rreth 50 vjeç (këmbësor), i cili për shkak të dëmtimeve të marra, ka humbur jetën në spital. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.
