BELSH– Polica e Belshit ka zbardhur konfliktin fizk që degjeneroi në përdorimin e armëve mes dy drejtuesve të autobusëve të transportit ndërqytetas. Behet me dije se në pranga ka rënë një 35-vjeçar, i identifikuar me inicialet A. D, i cili për arsye konkurrence ka qëlluar mbi kolegun e tij. Ngjarja ka ndodhur pas një sherri të nisur për të ardhurat nga transporti i pasagjerëve, kur 35-vjeçari ka marrë armën e zjarrit dhe dëmtuar mjetin që drejtonte A. T. Pas ngjarjes ai është larguar menjëherë por arratia ka zgjatur pak pasi pas një ore është vënë në pranga.
NJOFTIMI I POLICISË:
Belsh. Qëlloi me armë zjarri në drejtim të shtetasit A. T., për arsye konkurrence, falë reagimit në kohë të shërbimeve të Policisë dhe veprimeve të shpejta hetimore, identifikohet, kapet dhe vihet në pranga, pas 1 orë ndekjeje, 35-vjeçari. Si pasojë e të shtënave janë shkaktuar vetëm dëme materiale në autobusin që drejtonte shtetasi A. T. Shërbimet e Komisariatit të Policisë Cërrik, menjëherë pas marrjes së njoftimit se një shtetas kishte qëlluar me armë zjarri në drejtim të një shtetasi tjetër, kanë organizuar menjëherë punën për lokalizimin dhe kapjen e tij. Si rezultat i reagimit në kohë të shërbimeve të stacionit të Policisë Belsh, në bashkëpunim me shërbimet e Komisariatit të Policisë Cërrik dhe shërbimet e Forcës së Posaçme “Shqiponja” të DVP Elbasan, pas një orë ndjekjeje, është bërë e mundur kapja dhe vënia në pranga e autorit të dyshuar, shtetasit A. D., 35 vjeç, banues në Belsh. Nga veprimet e para hetimore dyshohet se ky shtetas ka qëlluar me armë zjarri në drejtim të autobusit që po drejtohej nga shtetasi A. T., për motive konkurrence (të ardhurat nga transportimi i pasagjerëve, me autobus). Vijojnë veprimet hetimore, për zbardhjen e plotë të rrethanave të kësaj ngjarjeje.
