KOSOVË– Këtë të enjte është zhvilluar seanca parlamentare Kryeministri Albin Kurti ka folur në seancën e Kuvendit për çështjen e Asociacionit. Në replikë me kryetarin e LDK-së, Lumir Abdixhiku dhe deputetët e opozitës, Kurti ka treguar 6 kushtet që duhen plotësuar për krijimin e Asociacionit, ndërkohë që kanë nisur edhe përplasjet.
Nga ana tjetër, kryetari i Lidhjes Demokratike të Kosovës, Lumir Abdixhiku ka thënë se fjalimi i kryeministrit Albin Kurtit në Kuvendin e Kosovës tregon që ai e ka pranuar tashmë Asociacionin duke qenë se e ka vetëm një kusht, që të bëhet në pajtim me Kushtetutën. Pas kësaj, ka reaguar Kurti duke thënë se është e padrejtë nga Abdixhiku që të përmendet vetëm një kusht, kur ai i ka listuar edhe pesë të tjera.
“Nuk e thash një kusht, i thash 6-shtë. Është e padrejtë që nga 6 kushte të përmendet vetëm njeri. Asociacioni duhet të jetë në përputhje me Kushtetutën e Kosovës por janë edhe pesë të tjera. Pra unë e kundërshtoj deformimin e deputetit Abdixhiku që i reduktoj gjashtë kushtet në një kusht. Kjo mund të shpreh qëndrimin e tij por assesi qëndrimin e Kosovës,”- ka thënë Kurti.
Abdixhiku ka reaguar sërish. Kreu i LDK-së duke thënë se Kurti po manipulon, dhe se Asociacioni po bëhet.
“Asociacioni po bëhet. Këto gjashtë kushtet që po flet kanë një emër dhe mund t’i thoni respektim i Kushtetutës së Kosovës. Kaq është e thjeshtë. Ky është thelbi. Jo gjashtë po edhe 60 tjera t’i jepi, sepse Kushtetuta e Kosovës e ka përshkruar qartë. Ky është manipulim i opinionit publik dhe juve që duhet me i fshi të gjitha qëndrimet që I keni pasur deri më sot,”- ka thënë Abdixhiku.
