TIRANË– Po shoqërohet me tensione të shumta dhe përplasje me Policinë kërkesa për shembjen e pallatit numër 4 në rrugën ‘Myslym Keta’. Një nga banorët refuzon të dalë nga pallati dhe qëndron në ballkon duke refuzuar ti bindet urdhrit të Policisë për të zbritur.
Ajo dhe banorët e pallatit kundërshtojnë shembjen e ndërtesës, në të cilën kanë jetuar prej vitesh. Policia dhe zonjat që banojnë aty, iu janë afruar të moshuarës që të largohet nga ballkoni i katit të tretë, pasi godina do shembet. Banorët thonë se nuk ka vendim gjykate për prishjen e pallatit dhe se shkalla e vlerësimit për këtë pallat pas tërmetit ka ndryshuar disa herë. Banorët kanë dyshime se pas shembjes së pallatit fshihen interesa të tjera.
