TIRANË– Deputeti i Partisë Demokratik Bledion Nallbati i pranishëm në Kuvend, është shprehur se nuk mund të ketë seancë plenare pa praninë e kryeministrit Rama, ku ka shtuar mëtej se Opozita nuk mund të sillet sikur nuk ka ndodhur asgjë dhe të vijohet pa zhvilluar debatin me Ramën për dosjen e ish-agjentit të FBI-së Charles McGonigal.
“Unë jam një nga deputetët që kisha shënuar emrin mbi atë pak gjënë. Nuk mund të bëni këtu sikur nuk ka ndodhur asgjë dhe vini këtu e na thoni që ne po shkelim rregulloren. Ju e bëni këtë gjë dhe jeni turpi i këtij vendi. I more instruksionet nga zotëria, mbylle pra parlamentin. Mbylle fare seancën. Me këto rregulla s’ka për të pasur parlamnent, në të kundërt na përjashtoni të gjithëve dhe vazhdoni vetë me seancën.”
