TIRANË– Ministrja e Bujqësisë dhe Zhvillimit Rrural Frida Krifca ka folur pas mbledhjes së qeverisë ku ka dhënë detaje dhe për çështjet që janë diskutuar. Ajo u ndal dhe tek propozimet e bëra nga deputeti socialist Erion Braçe, të cilat sipas tij nuk janë marrë parasysh nga ministrja. Ajo tha se është e hapur të bashkëpunojë me çdo deputet të grupit të PD, sidomos me Braçen, për të cilin shtoi se ka shumë respekt.
Frida Krifca: Unë këtu flas si ministre, jo qëndrime personale që janë të bazuara në shifra fakte, programe të ministrisë që janë produkt i një konsultimi me aktorët e bujqësisë, ekspertët e bujqësisë që punojnë aty prej 30 vitesh, bashkë me shoqatat e sektorit të bujqësisë dhe universitetin bujqësor të Tiranës dhe deri më tani kemi bërë kështu dhe kështu do veprojmë edhe më tej. Konsultoj politikat me grupin e PS, s’kam pasur asnjë kërkesë pa kthyer përgjigje, e hapur të bashkëveproj më këdo deputet, aq më tepër me Braçen për të cilin kam shumë respekt.
