BRITANI E MADHE- Një peshkaqeni të rrallë i është prerë koka dhe bishti pasi në bregdetin e një plazhi në Britaninë e Madhe. Ai u zbulua nga disa vendas që po bënin shëtitje në Hampshire një ditë më parë. Ata lajmëruarn autoritetet dhe në momentin që shkencëtarët kanë shkuar në vendin ku ndodhej peshkaqeni, kanë vënë re se atij i mungonte koka dhe bishti.
Transmetuesi dhe historiani Dan Snoë e pa peshkaqenin dhe shkroi në Twitter se një biolog që ai njihte tha se ishte një “vizitor jashtëzakonisht i rrallë në këto brigje”.
Ai kërkoi që koka të kthehej nga ata që ia kishin prerë në mënyrë që shkencëtarët të mund ta studionin atë.
“Ne kemi rikuperuar një pjesë të mirë të tij, por disa gjuetarë arritën atje pak para nesh dhe ata morën kokën e bishtin. Kjo është me të vërtetë zhgënjyese,”- shtoi ai.
Dr. Ben Garrod, një profesor në biologjinë evolucionare në Universitetin e Anglisë Lindore, tha se ishte e rëndësishme për shkencëtarët të shihnin peshkaqenin.
“Oqeanet mbulojnë 71 ose 72% të planetit tonë, megjithatë është ende tepër misterioz”, tha ai për BBC.
“Sa herë që shohim një balenë ose një peshkaqen duke u larë, është njësoj si të shohim historinë. Kjo specie zakonisht nuk shihej në brigjet e Mbretërisë së Bashkuar dhe studimi i saj mund të ofrojë njohuri mbi modelet e të ushqyerit dhe temperaturat e ujit. Këta janë grabitqarë aktivë, por që nuk janë të rrezikshëm për njerëzit në asnjë mënyrë,”- tha ai.
Shoqata Zoologjike e Londrës do të mbledhë mbetjet e peshkaqenit të martën për ta studiuar atë.
