BERAT– Detaje të reja janë zbardhur në lidhje me pezullimin nga detyra të efektivit të Patrullës së Përgjithshme Dritan Toska në Berat, i cili ka goditur me pëllëmbë një qytetare. Raportohet se ngjarja ka ndodhur si pasojë e një sherri për gardhin. Toska, me banim në Kuçovë, fillimisht është përfshirë në një konflikt verbal me komshinjtë e tij për gardhin që ndante dy banesat.
Por debati ka eskaluar dhe sipas qytetares që ka bërë denoncimin efektivi e ka goditur me pëllëmbë dhe ka tentuar që të nxjerrë dhe armën e shërbimit por fatmirësisht diçka e tillë nuk ka ndodhur duke shmangur dhe një tragjedi. Agjensia e Mbikqyerjes Policore bën me dije se Dritan Toska nuk ka qenë në shërbim në momentin kur ka ndodhur konflikti por me përfshirjen e tij në konflikt si dhe me goditjen e gruas që e denoncoi, ka thyer rëndë Kodin Etik të Policisë së Shtetit.
