Një nga surprizat më të bukura në Kategorinë e Parë është Burreli. Kjo skuadër arriti në vendin e katërt të renditjes dhe në javët e fundit arriti të mbante barazim kundër Flamurtarit dhe Besës së Kavajës, dy vendet që ngjiteshin sipër tyre.
Kështu Burreli shkon në Play Off, ku duhet të eliminojë dy kundërshtarë dhe më pas të përballet me vendin e 8 të Superiores, për biletën që e dërgon në elitën e futbollit shqiptar. I ftuar në “Max Sport” që transmetohet në “EuroNews”, sulmuesi i Burrelit që njihet ndryshe si Pipo Inzaghi me stilin e tij të lojës dhe 15 gola të shënuar në Kategorinë e Parë këtë sezon, u shpreh: “Për mua Tirana mban vendin e 8 me 100% në Superiore.
E kam menduar që në fillim finalen e fundit, Tirana-Burreli për një vend Superiore. Tani e kemi me Pogradecin, e fitojmë dhe nuk e falim, i kemi marrë pikë të plota dhe në kampionat. Më pas mund të ndeshemi me Besën, por unë besoj se ne dhe Tirana do të luajmë ndeshjen e fundit së bashku. Mua më ka kërkuar Tirana në janar, isha shumë afër, por nuk ramë dakort”, tha Ferruku.
