TIRANË– Një ditë pasi u bënë publike të dhënat e përdoruesve të aplikacionit të Partisë Socialiste “Aktiv1sti” e ku dolën në pah se pjesë të tij janë drejtues të lartë të admnistratës, gjyqtarë e prokurë selia rozë ka reaguar ditën e sotme. Në një konfrencë për mediat Sekretari Digjital në PS Etjen Xhafaj ka deklaruar se do të ndjekin në rrugë ligjore këdo person që ka nxjerr listën e përdoruesve. Sipas Xhafajt kjo është bërë për të hedhur baltë mbi Partinë Socialiste dhe se kushdo do e marrë përgjigjen më 14 maj. Ai u shpreh se aplikacioni ka për qëllim të evidentojë më aktivët dhe se kjo nuk është një nismë e bërë për herë të parë nga PS por nga Barack Obama
Etjen Xhafaj: Nuk ka asgjë për të fshehur, aplikacioni është i hapur për të gjithë. Nuk kontrollohet asnjë njeri që hyn dhe del, është në përputhje me ligjet e Shqipërisë, njerëzit mund të regjistrohen edhe me një pseudonim, s’ka asgjë që ne kontrollojmë. Njerëzit futen me vullnetin e tyre. Kontrolli i vetëm është që të mos ketë fjalë fyese. Pikët janë për të vlerësuar, jo dënues. Ekspozimi i të dhënave nuk ka dalë nga aplikacioni. Nuk kërkohet në aplikacion profesioni apo vendi i punës. Nuk e di si sekretar për digjitalizimin, nuk e di se çfarë vendi pune kanë njerëzit në aplikacion. Manipulimi i të dhënave duke publikuar emrin e aktivistit do të ndiqet penalisht, është sulmi opozitës dhe më vjen mirë që kanë zgjedhur rrugë institucionale, se nuk kemi asgjë për të fshehur. Kemi sistem gare për të vlerësuar aktivistët më të mirë brenda aplikacionit. Këtë nuk e kemi shpikur ne, por e kemi marrë nga Barack Obama, ku mbështetësit kishin iniciativa dhe merrnin mbështetje nga komuniteti i gjerë. Aplikacion si ky ka kudo në botë dhe ka synim komunikimin dhe jo manipulimin. Vlerësimi ka qenë takimi me drejtues të drejtuesve politik. Nga një pjesë të veprimeve ka një sistem pikëzimi, shikojmë sa aktiv janë njerëzit, lista është publike. Ata që janë përdoruesit, shihen kush janë më të mirit, ulemi e takojmë dhe synojmë si t’i angazhojmë më tepër.
