POGRADEC– Një 18-vjeçar ka mbetur i plagosur me thikë këtë të mërkurë në fshatin Çërravë të Pogradecit. Raportohet se pas një konflikti Marino Beshello, 19 vjeç, banues në fshatin Çërravë ka goditur me thikë të riu, i cili është dërguar menjëherë në spital dhe ndodhet nën kujdesin e bluzave të bardha.
Autori është arrestuar menjëherë nga blutë e Pogradecit dhe ndodhet në ambientet e Komisariatit ku po merret në pyetje nga hetuesit. Marino Beshello do të përballet me drejtësinë për veprën penale “Plagosja e rëndë me dashje”. Materialet do t’i referohen Prokurorisë pranë Gjykatës së Shkallës së Parë Pogradec, për veprime të mëtejshme.
