DURRËS– Sherr me thika në Durrës. Përmes një njoftimi për mediat Policia e Durrësit bën me dije se dy persona, të cilit janë pronarë të dy minimarketeve janë konfliktuar verbalisht me njëri-tjetrin më pas gjithçka ka degjeneruar në përdorimin e thikës. Mësohet se shkak për sherrin mes të dyve ka qenë konkurrenca. 55-vjeçari i identifikuar me inicialet A.T është shpallur në kërim nga blutë e qytetit bregdetar dhe po punohet për kapjen e tij. I plagosuri është jashtë rrezikut për jetën.
NJOFTIMI I POLICISË:
Dëmtoi lehtë një shtetas, me mjet prerës (thikë), pas një konflikti për motive konkurrence, shpallet në kërkim autori i dyshuar. Specialistët për Hetimin e Krimeve të Komisariatit të Policisë Durrës shpallën në kërkim shtetasin A. T., rreth 55 vjeç, banues në lagjen nr. 1, pasi dyshohet se gjatë natës, pas një konflikti për motive konkurrence (të dy shtetasit, pronarë minimarketesh në të njëjtën lagje), ka dëmtuar lehtë, me mjet prerës (thikë), shtetasin A. Sh., 57 vjeç, banues në lagjen nr. 1, i cili ndodhet në spital, në kujdesin e mjekëve. Vijon puna për kapjen e shtetasit A. T. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.
