KURBIN– Gjykata e Kurbinit ka liruar nga burgu këtë të enjte 17-vjeçarin e identifikuar me inicialet A.Gj, i cili disa ditë më parë plagosi me armë zjarri një 15-vjeçar, i cili fatmirësisht ndodhet jashtë rrezikut për jetën. Ai është lënë në masën e sigurisë “arrest shtëpie” pas kërkesës së prokurorit Bardhyl Shehu. Para togave të zeza ai ka deklaruar se nuk mban mend se ku e ka gjetur armën e zjarrit të përdorur në krim dhe ka shtuar se nuk ka dashur ta qëllojë 15-vjeçarin por vetëm ta trembë.
Dëshmia: Armën e kam gjetur diku, nuk kam pasur qëllim ta plagosja. Nuk e mbaj mend saktësisht.
Ngjarja e rëndë ka ndodhur rreth orës 12 e 20 minuta të së hënës jashtë ambienteve të shkollës, ku pas debatit verbal për motive të dobëta, 17-vjeçari ka nxjerrë pistoletën që e mbante me vete dhe qëlloi në këmbë 15-vjeçarin e identifikuar me inicialet L.Rr, duke e lënë të plagosur.
