TIRANË– Elton (Altin) Mergjyshi, autori i plagosjes së trefishtë mbrëmjen e djeshme në zonën e Laprakës është vetëdorëzuar këtë të martë në polici. 47-vjeçari u konfliktua verbalisht me tre personat, duke iu afruar në tavolinën e tyre e më pas i goditi me thikë. Shkak i kësaj u bë largimi i tij nga puna nga pronari i fabrikës, italiani Massimo Sorvillo. Të plagosurit ndodhen në spital jashtë rrezikut për jetën.
NJOFTIMI I POLICISË:
Specialistët për Hetimin e Krimeve të Komisariatit të Policisë Nr. 3 arrestuan shtetasin A. M.(D.), 47 vjeç, banues në Tiranë, pasi mbrëmjen e djeshme, në ambientet e një lokali, në rrugën “Riza Cuka”, pas një konflikti për motive të dobëta, ka goditur me mjet prerës shtetasit M. S., 44 vjeç, R. Rr., 40 vjeçe dhe V. Rr., 63 vjeç, të cilët si pasojë janë dëmtuar dhe ndodhen në spital, jashtë rrezikut për jetën.
