KOSOVË– Pas plagosjes me armë zjarri të dy kushërinjve Stefan Stojanoviç, 11 vjeç dhe 21-vjeçari Millosh Stojanoviç mbrëmjen e djeshme nga një efektiv i Forcave Speciale të Kosovsës Lisa Serbe ka paralajmëruar protesat. Sipas njoftimit të tyre, protesta do të mbahet nesër në orën 12:00 në Shtërpac. Ndërkohë që do të protestohet, kirurgu Bozhidar Odaloviç tha sot në Graçanicë se djemtë serbë që u plagosën dje janë në gjendje të mirë shëndetësore dhe stabël.
Nga ana tjetër, Prokuroria Themelore e Ferizajt ka kërkuar që të pandehurit A.K, t’i caktohet masa e paraburgimit prej 30 ditësh për plagosjen e dy të rinjëve serbë në Shtërpcë. Rasti është kualifikuar si “vrasje në tentativë”. Sipas Prokurorisë, ekziston dyshimi se i pandehuri me dashje ka tentuar që t’i privojë nga jeta dy të rinjtë pas një mosmarrëveshje verbale të ndodhur në çast.
“Sipas kërkesës së Prokurorisë, ekziston dyshimi i bazuar se i pandehuri me datë 06 Janar 2023, rreth orës 14:00, në fshatin Gotovushë, komuna Shtërpcë, me dashje ka tentuar që t’i privoj nga jeta të dëmtuarit M. S dhe S.S., ku, pas një mosmarrëveshje verbale të ndodhur aty për aty, e nxjerr revolen e markës “Mossberg” dhe shtënë dy herë duke i goditur të dëmtuarit, e që si pasojë e këtyre goditjeve lëndime trupore pësojnë të dëmtuarit, të cilët fillimisht dërgohen në Shtëpinë e Shëndetit në Shtërpcë, e më pas në Spitalin e Graçanicës, me të cilën ka kryer veprën penale “Vrasja e rëndë në tentative” nga neni 173 paragrafi 1 nënparagrafi 1.1, 1.5 dhe 1.11 lidhur me nenin 28 të KPRK-së,”- thuhet në komunikatë.
Në komunikatën e Prokurorisë thuhet se ekziston dyshimi edhe se i pandehuri kishte shtënë pesë herë në ajër, një orë para plagosjes. Nëse një gjë e tillë provohet, mbi të do të rëndëojë një tjetër vepër penale.
Ngjarja e rëndë ndodhi mbremjen e djeshme në natën e Krishtlindjeve ortodokse. Dy të plagosurit ishin duke ecur në rrugë kur efektivi hapi xhamin e makinës dhe qëlloi drejt tyre duke i lënë të plagosur. Ata u dërguan menjëherë në spital dhe fatmirësisht nuk morën dëmtime serioze. Njëri djalë mori plagë në dorë, e tjetri në shpatull. 33-vjeçari Azem Kurtaj iku nga vendi i ngjarjes, por sërish u kap dhe do të përballet me drejtësinë. Kryeministri i Kosovës Albin Kurti dhe krerët e lartë të Kosovës dhe Policisë e kanë dënuar sulmin dhe kanë bërë thirrje që kjo të mos përdoret politikisht nga na e Beogradit. Dhe Bashkimi Europian dhe Shtetet e Bashkuara të Amerikës bënë thirrje që autori të marrë dënimin e merituar dhe për vetëpërmbajtje.
