LIBRAZHD– Detaje të reja kanë dalë në dritë nga plagosja me armë e ndodhur mbrëmjen e djeshme në Librazhd. Mësohet Shpëtim Skura, i cili u qëllua me plumb nga Albi Biçaku, i cili rezulton një person problematik në qytet duket se nuk e ka pasur për qëllim që të lëndonte Skurën. Mendohet se Biçaku ka pasur një tjetër problem dhe ka sulmuar me armë zjarri biznesin, por pa kontrolluar nëse brenda ka pasur klientë. Skura mbeti i plagosur dhe pse nuk kishte lidhje me konfliktin,
Në momentin që u hap zjarr në drejtim të lokalit Shpëtim Skura ka qenë në tavolinë me shokun e tij të punës dhe sapo ishin kthyer nga Durrësi dhe po pinin kafen e mbrëmjes. Pak pasi ata ishin ulur një makinë tip “Audi” ka qëlluar një herë me pistoletë, duke plagosur 35-vjeçarin, i cili ndodhet në spital. Raportohet se fatmirësisht ai ndodhet jashtë rrezikur për jetën. Policia e Librazhdit ende vijon puna për kapjen e 27-vjeçarit.
