TIRANË– Ministrja e Arsimit, Evis Kushi ka komentuar këtë të marte plagosjen me armë zjarri që ndodhi pak ditë më parë pranë një shkolle në Laç. Kushi u shpreh se ajo që ndodhi ishte një shqetësim i madh mirëpo ngjarja nuk ndodhi brenda shkollës.
‘Eshtë shqetësim shumë i madh për ne, nuk ka qënë brenda shkollës. Edhe pse ska qënë brenda, ne trajtojmë edhe raste kur fëmija dhunohet nga prindi për shembull. Ne ngrejmë grupe pune për ta ndjekur. Në rastin konkret cështja po ndiqet nga Policia, ndërkohë që ne po vazhdojmë punën tonë me punonjësit psikosocial, me prindërit, në mënyrë që nxënësi të kthehet në sjellje normale dhe ne te punojmë me te. E para në shkollat tona është mirëqënia’– tha Kushi.
