FIER– Detaje të reja kanë dalë në dritë në lidhje me autorin e plagosjes së një dite më parë në Fier ku Altin Veizaj qëlloi me armë zjarri drejt Dashamir Muçajt e më pa u largua. Raportohet se policia është vënë pas gjurmëve të tij dhe po kontrollon në të gjitha vendet ku dyshohet se ai mund të ketë shkuar duke ngritur dhe pista të caktuara lidhur me trajektoren që ai mund të ketë ndjekur.
Ndërkohë bëhet me dije se autori i ngjarjes rezulton të jetë një individ që përdore tre emra të ndryshëm. Konkretisht: Antonio Nika, Antonio Veizi dhe Altin Veizi. Ditën e sotme policia gjeti makinën e tij të braktisur në Patoz brenda së cilës u gjet dhe arma e krimit. Ndërkohë në pranga është vënë dhe një 49-vjeçar, Bejo Hoxhaj pasi sipas policisë ai ka ndihmuar autorin që të largohet.
Ngjarja e rëndë ndodhi ditën e djeshme para parkurerisë ku punonte gruaja e të plagosurit Dashamir Muçaj. E gjithë ngjarja dyshohet të ketë ardhur pas një konflikti të çastit që më pas degjeneroi në përdorimin e armëve. Menjëherë pas ngjarjes autori Altin Nika është arratisur me vrap duke humbur gjurmët. Dashamir Muçaj ndodhet ende në spitalin e Fierit nën kujdesin e bluzave të bardha dhe fatmirësisht jashtë rrezikut për jetën.
