POGRADEC– Detaje të reja janë zbardhur në lidhje me plagosjen me thikë të regjistruar pak orë më parë në fshatin Çërravë të Pogradecit. Raportohet se ‘molla e sherrit’ mes të rinjve ka qenë një vajzë. Mësohet Marino Beshello, 19 vjeç, ka kapur motrën e tij duke folur duke folur në rrjetet sociale me 18-vjeçarin e identifikuar me inicialet R.P. Pas kësaj Beshello ka shkuar në gjimnaz për të biseduar me 18-vjeçarin por përplasja verbale mes tyre ka degjeneruar në dhunë fizike e më pas në përdorimin e thikës.
Gjatë kohës që ata debatonin një shok i 18-vjeçarit e ka goditur Beshellon me kasetë në kokë. Në këtë moment ai ka nxjerrë thikën dhe ka goditur dy herë 18-vjeçarin. Raportohet se për shkak të probleme të shkaktuara nga plagët e thikës i riu është nisur për një mjekim më të specializuar drejt spitalit të Traumës pas marrjes së ndihmës së parë në spitalin e Pogradecit. Policia po heton për zbardhjen e plotë të ngjarjes.
