SHKODËR– Një plagosje me thikë është regjistruar mesditën e kësaj të mërkure në lagjen “Rus” të Shkodrës. Raportohet se dy persona janë konfliktuar me njjëri-tjetrrin duke degraduar në përdorimin e thikës nga njëri prej tyre. Ai e ka goditur personin tjetër në bark.
I plagosuri është dërguar menjëherë në spital ku mësohet se ndodhet në gjendje kritike për jetën. Policia ka arrestuar autorin. Ende nuk dihen motivet e plagosjes dhe emrat e personave të përfshirë. Policia e Shkodrës ende nuk ka dalë me një njoftim zyrtar në lidhje me ngjarjen e rëndë.
